泰紅泰國美食 (已結業)

喺新蒲岗揾野食，一直都有留意Red Thai，店面几靓，望落去好似几贵，终于趁Lunch Time去试下。佢啲lunch set平均$70一个，有一个主食、饮品、同一个小甜品。甜品系一旧仔椰汁前糕，无咩特别。我食嘅系海鲜喇沙汤面，个汤底几香几惹味，面质都正正常常，材料唔算特别多，都叫不过不失。我朋友就嗌咗个海鲜湿炒河，佢表示唔算特别好食，太湿太稀，味道唔够浓（佢都重口味的）。佢嘅泰式拉茶都普普通通咁，无咩特别。虽然好多野都冇咩特别，系环境都真系唔错，好啱倾偈，可能因为我坐卡位。所以整体嚟讲，不过不失啦！都会再食嘅，如果想有个好啲嘅环境倾偈的话。