影片
更多
2015-01-25
1094 浏览
第一次听到这间火锅店个名时觉得好搞笑，真系会有人改呢d名，好...你赢啦！成功令人记住呢间餐厅。打者爱也地点本身唔算方便，但有地鉄之后我都冇抗拒去「西环」打边炉啰。因为唔知道会否多人到要排队，所以预先book定位，晚上7点去到不过唔多人，整体环境算系整洁，唔会太嘈。一坐低服务员放好左调味架任你"沟"，仲好好服务咁介绍餐牌添。我地点左清润椰子鸡锅，一滚起已经好香椰子味，而且鸡件都好滑好juicy, 好味啊！ 乜都未落既时候饮啖汤，我觉得系有落椰奶or椰浆咁，不过比我预期中香同滑，推介 (^_-)由于打边炉人多先食得多野，呢晚只得2个人，所以落单都要谂谂食唔食得哂。服务员话相同的分类可以双并，oh yeah...咁就好啦！不过要问清楚边d得边d唔得啰。手打四宝丸，墨丸、虾丸、猪肉丸&牛丸，我觉得墨丸最弹牙好味，虾丸just ok，而猪肉丸同牛丸都无一般般咁啦。香柏叶都爽口弹牙，而响铃都ok，都炸得松化，放汤2-3秒要食架啦。顶级本地手切肥牛(小) $228，睇佢个样以为唔差，应该几好味，因为雪花分布都平均，不过就瘦左d，点知灼左几下放入口...umm...好瘦好鞋咁，而且冇乜牛味，真系俾
第一次听到这间火锅店个名时觉得好搞笑，真系会有人改呢d名，好...你赢啦！成功令人记住呢间餐厅。打者爱也地点本身唔算方便，但有地鉄之后我都冇抗拒去「西环」打边炉啰。
因为唔知道会否多人到要排队，所以预先book定位，晚上7点去到不过唔多人，整体环境算系整洁，唔会太嘈。一坐低服务员放好左调味架任你"沟"，仲好好服务咁介绍餐牌添。
我地点左清润椰子鸡锅，一滚起已经好香椰子味，而且鸡件都好滑好juicy, 好味啊！ 乜都未落既时候饮啖汤，我觉得系有落椰奶or椰浆咁，不过比我预期中香同滑，推介 (^_-)
由于打边炉人多先食得多野，呢晚只得2个人，所以落单都要谂谂食唔食得哂。服务员话相同的分类可以双并，oh yeah...咁就好啦！不过要问清楚边d得边d唔得啰。手打四宝丸，墨丸、虾丸、猪肉丸&牛丸，我觉得墨丸最弹牙好味，虾丸just ok，而猪肉丸同牛丸都无一般般咁啦。
香柏叶都爽口弹牙，而响铃都ok，都炸得松化，放汤2-3秒要食架啦。
顶级本地手切肥牛(小) $228，睇佢个样以为唔差，应该几好味，因为雪花分布都平均，不过就瘦左d，点知灼左几下放入口...umm...好瘦好鞋咁，而且冇乜牛味，真系俾佢卖相厄左啰 -_-#
饺类太饱肚，所以拣左双并，有芹菜香姑饺&蕃茄粟米牛肉饺。芹菜果款都ok，素食者应该会中意，爽甜芹菜加冬菇都好夹，不过冇乜冬菇味。至于蕃茄果款我真系不敢恭维啦！好怪既味道同口感，好似变坏左既酸叔味咁，好难食 (>﹏<)
鲜带子都可以，不过份量再多dd就好啦 (偷笑)。仲有点左炸芋头条 & 午餐肉，不过冇影相，讲真，我唔明点解打边炉食午餐肉，真系好怪。。个人感觉而已，不要对号入座喔！
张贴
