影片
更多
2012-05-07
250 浏览
见D食评都几好, 第一次黎E度试下先~~ 去到见到D食物唔算太多款, 但有D食物食完都有D惊喜, 睇下我食左乜野先: 剌身: 一般,但切得唔够厚身,无乜鱼味, 但估唔到日式小食有带子裙边同中华沙律, 因为带子裙边出面批发价都比起螺肉/八爪鱼贵, 所以好多酒店自助餐都只系选螺肉或者八爪鱼, 个带子裙边都OK, 味道唔错。 冻盘: 琵琶虾-D肉质正常,OK收货; 翡翠螺-食左几只, 无沙, 肉质味道OK, 最奇就系个只只尾部好干净, 但无理由佢地咁好心机只只都拎粒螺肉出黎切左个尾部,然后放埋入去挂, 蟹脚-好似好新鲜咁, 只只蟹脚D肉都痴住个壳, 肉质好结实, 唔咸兼且味道几鲜; 青口/熟虾-无食。 即开生蚝: 超细只, 但蚝肉饱满, 好鲜味。 熟食 - 有豉椒炒圣子, 但可能炒得过火少少,有D韧, 但味道都OK, 牛扒-无食, 因为当时已经饱饱地, 其它热盘都OK, 但款式唔多, 但起码D热盘唔会冻。 甜品 - 呢个要赞下, D甜品放晒入冻柜内, 有侍应帮你拎出黎, 变左D蛋糕唔会整到好样衰, 件件都好靓, 甜品有好多款都好好食, 最好味既系即焗梳夫里, 仲好食过太平馆, 佢能
去到见到D食物唔算太多款, 但有D食物食完都有D惊喜, 睇下我食左乜野先:
剌身: 一般,但切得唔够厚身,无乜鱼味, 但估唔到日式小食有带子裙边同中华沙律, 因为带子裙边出面批发价都比起螺肉/八爪鱼贵, 所以好多酒店自助餐都只系选螺肉或者八爪鱼, 个带子裙边都OK, 味道唔错。
冻盘: 琵琶虾-D肉质正常,OK收货; 翡翠螺-食左几只, 无沙, 肉质味道OK, 最奇就系个只只尾部好干净, 但无理由佢地咁好心机只只都拎粒螺肉出黎切左个尾部,然后放埋入去挂, 蟹脚-好似好新鲜咁, 只只蟹脚D肉都痴住个壳, 肉质好结实, 唔咸兼且味道几鲜; 青口/熟虾-无食。
即开生蚝: 超细只, 但蚝肉饱满, 好鲜味。
熟食 - 有豉椒炒圣子, 但可能炒得过火少少,有D韧, 但味道都OK, 牛扒-无食, 因为当时已经饱饱地, 其它热盘都OK, 但款式唔多, 但起码D热盘唔会冻。
甜品 - 呢个要赞下, D甜品放晒入冻柜内, 有侍应帮你拎出黎, 变左D蛋糕唔会整到好样衰, 件件都好靓, 甜品有好多款都好好食, 最好味既系即焗梳夫里, 仲好食过太平馆, 佢能够做到里面系泡泡咁, 入口即溶, 味道够甜, 质感味道都好好。 呢个梳夫里比到我好大惊喜。
即炒意粉通粉档 - 有好多配料你自己选择, 然后厨师即场炒, 但厨师帮我炒果阵, 佢跌左D料向个炉面度, 佢用只炒紧我既意粉既夹去炉面夹返D配料, 但炉面有D污糟, 跟住又用只夹去夹走枱面d 上手跌落去既配料,枱面又系有D污糟, 然后用只夹放入去煑通粉既水度搅下,好似洗个夹咁............... 当时我真系比佢既动作搅到我有少少翻胃, 大佬呀, 可唔可以用另一个夹清走D 跌左去枱/炉面既配料呀, 跟住仲要向煑意粉既水度洗夹............所以我拎左碗通粉返去后, 无食过。咁大间酒店, 个厨师咁无卫生..........真系好唔掂...........饮品 - 唔包冻饮, 但有自助热饮: 咖啡、柠茶、奶茶....等等。
连加一定$322一位, 以自助餐黎讲都算几抵, 虽然款式少, 但食物整体质素唔错, 系酒店位置唔系咁方便同埋果位煑意粉档既厨师无乜卫生意识之外, 总括黎讲, 我觉得都OK, 应该我会再帮衬, 但唔会食意粉档既食物。
张贴
