Amber’s Table (已搬遷) 新店位置

今日男朋友话想食西餐，途经amber's table睇左menu觉得Okay就去左食（冇影到menu）叫左二个餐二杯饮品埋单$570-首先要讲各个服务员都好有礼貌，唯一我坐个个位系转弯位，佢地行过都会郁到我张櫈。舖唔算大但坐系到都唔觉太迫！前菜系有啲蕃茄既包，但我唔钟意食酸野所以咬左二啖比埋男朋友.. 佢话钟意个口感同埋酸得黎好开胃。大约等左15分钟左右就上菜，落单个阵黑色衫的男人好贴心咁问我地两个餐系想一齐想定分开上。首先系上咗个肉眼扒（$208）不过不失，唔算太厚身，牛味亦唔太重，好咁就有啲un，正常味道，唔系话好好食！可以拣两个配菜，我哋拣咗忌廉菠菜同薯条。忌廉菠菜男朋友食话唔错，薯条系幼身脆得黎又唔油。到咗牛扒之后，黑衫哥哥话猪手等多几分钟就可以，猪手有得拣佢帮你切自己切，因为猪手都系比较难去切所以我拣咗佢切埋先上菜。反而猪手有惊喜，有六七旧个皮脆卜卜又唔难咬（我食过啲个皮好脆但又好un sosad）肉算淋身，唔干又唔油，酸菜正常，薯蓉好creamy！饮品有冻朱古力鲜奶，唔太甜但朱古力味可以重啲，热玫瑰花鲜奶好香，虽然系用糖浆整但唔系甜到漏，比例岩岩好！总括黎讲可以去试下，推介