文記車仔麵 (已易手) 新餐厅

今日lunch抽起条筋想食牛筋，想起公司附近有间文记车仔面，去买个外卖返去一边食一边继续努力工作啦。在门外等拎外卖果时，职员主动叫我入去坐低等，感觉都几贴心。店内是怀旧风装修，座位之间都算宽阔。唔算太肚饿，所以只叫左三𩠌一面。牛筋、花菇、菜芯，配银针粉，好少车仔面舖有银针粉选择。拎完外卖行返去公司大约5分钟左右，打开已经见冇乜汤啦。加左个麻辣汁，捞混之后味道都是偏淡，冇乜辣味。至于𩠌方面，花菇有6只咁多，焖得都算入味；牛筋也焖得够淋，入口烟韧；菜芯都几甜，不过就好似索左好多油咁。餐配热柠水，都有三块厚切柠檬。中规中矩的车仔面店，价格在观塘来说亦算合理。