貴川風味館

营业中

休息中

🍜招牌酸麻辣米线 $43★★★☆☆叫左中小辣，食落都几辣似系中辣程度。汤底偏浓，米线好入味，唔洗浸住汤食都够味，米线软硬适中，冇特别滑身。个人觉得食落麻辣味太劲，酸味唔够出，同埋偏油左少少。猪颈肉另上，有齐肥瘦，油炸后除左脆口，食落仲有啲烟烟韧韧，几有口感，几好食。🍜清汤小锅米线 $48★★★☆☆虽然清汤兼走左芽菜、走芫茜，望落个汤底颜色好清淡，但饮落够味，有猪骨咸味，加上佢有大量肉碎，唔会觉得好寡。叫左鸡丝，但绝对唔系一丝丝，而系一条条，我谂叫佢做鸡柳会更加合理，口感爽口唔鞋，份量多。猪润新鲜冇怪味，唔算太嫩但唔会老，不过不失。🌟总括：正正常常，唔算特别有记忆点，但经过又想食米线，呢间都可以试下。