貴州遵義黔營羊肉粉 (利群大廈)

营业中

休息中

有朋友提议食羊肉面，一齐去试下。毕竟呢类粉面店偏少，都抱住少少期待去试！羊肉拉面面质软滑，汤既味道好普通，羊肉片嫰，味道唔算好吸引，冇果种你一试会好想追住食既感觉。个汤好白，但就冇好重胡椒或者香料味，可能我自己有误解，始终第一次食呢款羊肉面。羊什拉面同上，羊什冇果种好重既羊膻味，系做得唔错既，亦好软淋，整体合格；枱面有提供大蒜，就咁食落去会好辛辣，但系咬少少再加一啖汤面，成个层次会提升左，好味。羊肉夹馍比想像中细件，我见朋友几啖食晒，话ok既，不过就同一碗面咁上下价钱。羊肉汤饺子岩岩入门口见到阿姐系度包紧，冇想像之中咁够味，味道及质感只属一般。我个人点去比较，如果同深水埗几间有名气既饺子比较，呢度既羊肉饺子皮偏厚，味道唔够重，可能渌熟既关系，如果煎饺可能会好d。羊肉串$16一串，有肉汁唔会太干，串系中间既系羊肥肉/羊油，所以食落去有口感：油＋肉既咬口唔错，算几好。如果唔食得肥可以嗌牙签羊肉，相对比较细串，冇左中间肥油位，食落唔会有油腻感。当止下咳食下羊肉面，串烧等等，可以一试。不过系香港真系未揾到好食既羊肉拉面，近似国内少店/连锁店果d。