軒尼詩冰廳 (柯布連道)

营业中

休息中

之前喺会展做完野，行去湾仔站途中食过一间叫做轩尼诗冰厅，佢啲小菜几好味，于是今日又走去试下佢嘅午餐，睇下质素如何。一去到就咁啱有位，唔使等就入得，侍应安排我地坐喺一张四人枱，中间有隔板间住，咁就可以坐到两枱客而又唔会有搭枱嘅感觉了！先讲环境，典型茶记格局，唔会有多余空间，因为有嘅话已经俾店员用埋嚟做生意。午饭时间人满为患，室内谈话、喧闹声此起彼落，同朋友同事食饭你预左要大大声咁讲野，否则就会俾人cum哂你啲声架喇！食物方面，笔者嗌左佢当日喺电视机投影出嚟嘅午餐精选之一：黑椒汁薄牛扒汉堡扒饭($58)，配热好立克一杯，味道唔错，就系份量少左啲，比正常份量略少，所以性价比嚟讲唔算高。服务方面，侍应们个个都系后生仔，做事灵活爽手，典型荼记面貌。总括嚟讲，不过不失嘅一间茶记水平。