金記冰室 (已結業)

有次同老公去完南生围之后夜晚过咗嚟呢度食晚饭，因为我哋都想食茶餐厅嘅，入到去又唔算太多人，所以唔会好迫，环境坐得几舒服，坐低咗之后就叫咗一份铁板西冷牛扒餐，同埋一个口水鸡饭餐，口水鸡饭餐就会配埋老火汤同埋白饭，老火汤真系比较好饮，冇乜味精，真系自家煲出嚟嘅👍🏻👍🏻👍🏻👍🏻铁板嚟到嘅时候见到块西冷牛扒大大块，热辣辣，吱吱声咁样好热好味，好多汁，亦都好有咬感，佢有得俾你拣配薯菜，意粉定系白饭，我就拣咗薯菜，最值得推介嘅就系薯菜，平时出去食铁板餐嘅薯菜都系杂菜杂豆放喺个铁板上边，但系佢哋劲有心，劲有诚意，有一个大嘅碗装起左即炸嘅薯条，份量都几多，热辣辣，仲要落埋准盐，令到成碗薯条非常之咁好味，唔会好似出边嘅铁板餐咁样啲薯条林晒，呢度值得加好多分👍🏻👍🏻👍🏻👍🏻另外口水鸡好惹味，味道非常之出色，唔会太辣，亦都唔会只有辣味，味道比较深层次，几有新意，感觉都几出色，下次都会继续过嚟试吓其他菜式。😄😄😄😄😄