香港達人 (新翠商場) (已結業)

黑椒汁牛仔柳 $46个汁都几辣，牛肉都棯既⋯不过不失，份量男士略嫌少。 但价钱算平。焗鲜茄菠萝猪扒意粉 $42反而意粉份量比碟饭多，酱汁适量，猪扒有腌过唔会淡茂茂，有少少芝士衬托个茄味，意粉都干身，整体可以👍🏻奶茶唔涩，不过味道略淡。环境就不过不失，窗边有乌蝇尸体，有只蚊虫徘徊。我地行入去角落卡位坐，叫待应落单时，佢口up up俾说话我地听「封咗都入嚟」仲讲咗几次（但我地行入去无职员出声，仲帮我地执走枱上上一手食客杯碟，同埋佢地无封卡位，所以我地见有卡位就行入去。 同我地落完单就连卡位都封埋。