茜廊餐廳 (天盛商場)

营业中

休息中

九吋意大利原味Pizza正常发挥。pizza个边好脆而个底唔会硬，蕃茄酱唔会太咸，上面有原块新鲜蕃茄同mozzarella 拉丝芝士。香煎𫚧鱼柳及凤尾虾配蒜蓉菠菜蘑菇汁𫚧鱼皮煎得好脆同唔干，有鱼油嘅香味唔无腥。虾就系急冻𠮶啲。忌廉汁好稀冇咩味 下面有几条菠菜，冇蘑菇嘅香味。唔点汁斋食鱼好味啲。香煎羊髀扒拼鱼块配蒜蓉汁及薯菜冇羊髀扒所以转左T骨羊扒。羊扒厚1cm左右，个边有少少筋。整体肉质都系好林嘅，有少少羊臊味。鱼就识落似龙脷柳。扒同鱼下面有白菜翠玉瓜铺底一齐食冇斋肉咁饱。晚市套餐会送餐汤嘢饮蒜蓉包。餐汤有忌廉粟米汤同罗宋汤拣，罗宋汤入边除咗蔬菜之外仲少有地有肉。蒜蓉包就烘得太硬。