麻辣風雲 (已改名) 查看

朋友话想试下呢间既酸菜鱼，揾左旺角分店食。呢个菊花蜜用黎打卡一流，但我就觉得太甜。鸡丝粉皮d酱太少，味道普普通通。炸馒头又系打卡之选，味道当然都系普通炸馒头咁，都热同脆既！酸菜炒肥肠，肥肠份量都算多，但味道偏淡。酸菜鱼就不过不失，但我觉得出面某间酸菜鱼更好食🤣🤣🤣呢个咕噜肉份量比较少，但味道几好，都推介大家食👍👍👍猪油捞饭朋友话想食，我就冇乜兴趣啦🫣🫣香辣蚝都算大只，几好食，味道都好够，蚝唔会腥👍👍👍辣子鸡冇乜肉，切到好细旧，唔系咁钟意，但应该出面食呢道菜都系咁。蛋白炒饭普普通通，但都炒得粒粒分明，清清地咁食都唔错。火山排骨，呢碟野真系好夸张，但本人就本身唔系咁钟意食排骨，朋友话觉得似食紧汤渣🤣呢个担担面d面煮得太淋，味道就ok。