茶點

营业中

休息中

近近地落大埔觅食，成日经过哩间小店，多数都因为俾隔离D大招牌同放题吸引住，所以埋唔到佢身，今日终于入嚟。店面很小，眼见约20个坐位，同隔离嘅陌生人被迫亲近，香港地。。。寸金尺土明架喇，所以都唔好意思影内部。试台湾店必尝香芋珍珠，说实话颜色唔吸引，香芋味有但唔香，只可评Ok鲁肉饭味道不错，肉汁份量都够，同嘢饮一样有味但唔香。跟餐少食炸烧卖，贪得意一试，炸得香脆，但男朋友就嫌佢炸过太干身。跟烧卖个汁系鼓油加李x记蒜蓉嘅味，都几特别嘅。前菜比较后来上，一食。。。个味好熟，哦～咪就系方才果个蒜蓉豉油味啰～夹落云耳都可以，但重覆嘅味道，又点会令吃货返转头呢？哩个小店虽然食品质素仍有进步空间，但价钱比隔离食店更贴地，啱较实际嘅食客。