Beerliner German Bar & Restaurant (屯門市廣場1期) (已結業)

圣诞节约埋朋友出黎食饭，呢间主打德国菜既餐厅又未试过就黎呢度试下，店面都算大，几多位。讲返食物先，先黎个前菜拼盘同德式香肠拼盘香肠拼盘入面有几款唔同口味既肠，口味算比较重，用黎送啤酒1流，有d款比较咸，香肠底下都跟左d酸椰菜用黎解腻。前菜拼盘比较有特色，有小汉堡，猪肉卷，烟3文鱼多士多款小食，汉堡入面夹住左片青苹果，几清新，猪肉卷口感似咸牛肉但无咁咸，其他洋葱圈同鸡翼都正常野。再黎两道主菜就略为失色，叫左个松木板炸3文鱼同红酒汁慢煮猪手。先讲3文鱼，做法系有特色既，成块3文鱼连木板一齐烤，想话食到松木既香味，但成个成品系唔觉有味，3文鱼焗到入面仲有少少生，约5成熟，唔会好干，但无乜味。轮到最期待既红酒汁慢煮猪手，点知希望越大失望越大，成个猪手系好似煲汤肉咁，无味而且超腍，红酒汁都好淡味，我本身系好钟意食猪手既人，但真的食唔落去了，但都无浪费食物，俾朋友清晒埋尾叫多个甜品，维也纳苹果卷配雪糕，味道酸酸甜甜解下头先食咁多肉既腻都唔错，系个皮焗得唔够脆，脆d会好食d。整体黎讲不过不失啦，唔叫好好又唔叫太差，3个人食埋单12xx，贵唔贵见人见智。