野菜咖喱事務所 Curry Man (已結業)

正在进行18/6 断食，多数2点后先食午餐。可以避开午餐繁忙时间，唔使迫人，有时食下午茶仲悭返小小🤣🤣言归正传，今日行放去葵兴，对野菜咖哩呢间嘢闻名已久，不过未有机会试过，之前唔系佢冇开就系唔啱时间。今日大约三点三到葵兴，仲未食饭，一于试吓佢。由于唔系饭市时间，唔使等位。环境就真系可以不提。落完prefer, 等左5-10分钟店员拎埋来。我叫左咖哩牛肋条饭。一睇份饭量偏小，薯仔有5-6块，牛肋6-8块咁上下。老实食完有小小唔饱😓 味道方面，日式咖哩甜系预左，好在唔过份，亦唔会甜到好唔舒服。汁系比较流质。牛肋够淋唔散，都入味。薯仔够淋，入味唔会溶晒。总体10分满分会畀7分。