金記冰室 (已結業)

金记系湾仔开咗咁耐，今日系第一次食，等咗一阵位就有喇，入去见到有饭有意粉，即刻谂起某个饮食节目讲唔同地方既便当，有一集访问艺人冰室，问过冰室同茶餐厅分别，老板话以前只系有冰室，而且只会提供简单食物，而唔会有意粉同饭，后期D人觉得冰室唔够多选择，所以出现茶餐厅，会有饭同意粉，所以分别就系呢样。入正题，本来想叫个招牌餐既沙爹牛肉面，但系卖晒，咁唯有加多$7叫个午餐D(咖哩鸡扒煎蛋饭+罗宋汤) , 同事叫咗个午餐C(烧汁猪扒司华力肠饭+中汤).同事话佢个餐OK. 我个餐既罗宋汤都几好，够味同少少辣，不过就得两片仔菜，而个咖哩鸡扒煎蛋饭，煎蛋系荷包蛋，我最爱半熟蛋既蛋黄, 有两小块鸡扒，大约系鸡翼去骨再片开蝴蝶双飞咁大块，仲有三粒薯仔，鸡扒煎得外脆内软，咖哩够香而且唔太辣，适合普罗大众。整体合格，只系对于我呢D打工仔黎讲有点贵。