影片
更多
2023-06-28
40 浏览
💰432 (堂食连加一）呢间烧肉餐厅啱啱开𠮶阵，👧🏻已经话想试，过左咁耐👦🏻终于带左佢去食喇🥹留意番，呢间餐厅嘅烧肉set冇跟饭，如果想要饭嘅话要加套餐set，套餐set有以下两款：A. 日式杂菜沙律、白饭、蚬汤 （+$38）B. 日式杂菜沙律、月见蛋紫菜饭、蚬汤、汽水 （+$48）极上薄烧A4黑毛和牛肉眼上盖三食(日式杂菜沙律、白饭、蚬汤)呢度嘅三食系指d牛肉有三种唔同嘅食法，第一种：原味根据自己嘅口味可以选择餐厅提供嘅三款酱料（盐、酱油、盐曲）黎调味烧好嘅牛肉 👦🏻觉得呢个食法最好味 比较正路一d第二种：日式昆布汤可以将牛肉点昆布汤黎食 不过👦🏻唔知道 以为个汤系饮 所以饮晒🫣🫣第三种：寿喜烧月见风用寿喜烧汤底做酱汁再加生鸡蛋 不过👦🏻又系唔知道系攞黎点肉嘅 所以佢攞晒去捞饭😂🫣虽然冇乜寿喜烧嘅味道 但系捞饭都唔错😋食物卖相好好😍打卡一流😍可惜牛肉份量唔大 👦🏻个炉仲要唔够热 even好薄嘅肉烧左好耐都唔熟😩至于d牛肉质素一般 同d酱汁亦唔系话超级夹 👧🏻觉得跟set嘅蚬汤好淡 但系👦🏻就觉得都够浓 味道就一般 不过d蚬肉系甜嘅 整体都可以接受😌吉列A4黑毛和牛牛小排(日式杂菜沙律
💰432 (堂食连加一）
呢间烧肉餐厅啱啱开𠮶阵，👧🏻已经话想试，过左咁耐👦🏻终于带左佢去食喇🥹
留意番，呢间餐厅嘅烧肉set冇跟饭，如果想要饭嘅话要加套餐set，套餐set有以下两款：
A. 日式杂菜沙律、白饭、蚬汤 （+$38）
B. 日式杂菜沙律、月见蛋紫菜饭、蚬汤、汽水 （+$48）
极上薄烧A4黑毛和牛肉眼上盖三食
(日式杂菜沙律、白饭、蚬汤)
呢度嘅三食系指d牛肉有三种唔同嘅食法，
第一种：原味
根据自己嘅口味可以选择餐厅提供嘅三款酱料（盐、酱油、盐曲）黎调味烧好嘅牛肉 👦🏻觉得呢个食法最好味 比较正路一d
第二种：日式昆布汤
可以将牛肉点昆布汤黎食 不过👦🏻唔知道 以为个汤系饮 所以饮晒🫣🫣
第三种：寿喜烧月见风
用寿喜烧汤底做酱汁再加生鸡蛋 不过👦🏻又系唔知道系攞黎点肉嘅 所以佢攞晒去捞饭😂🫣虽然冇乜寿喜烧嘅味道 但系捞饭都唔错😋
食物卖相好好😍打卡一流😍可惜牛肉份量唔大 👦🏻个炉仲要唔够热 even好薄嘅肉烧左好耐都唔熟😩至于d牛肉质素一般 同d酱汁亦唔系话超级夹 👧🏻觉得跟set嘅蚬汤好淡 但系👦🏻就觉得都够浓 味道就一般 不过d蚬肉系甜嘅 整体都可以接受😌
吉列A4黑毛和牛牛小排
(日式杂菜沙律、月见蛋紫菜饭、蚬汤、汽水 )
卖相都系靓嘅😍d牛小排都算大块厚身 鲜嫩程度尚可 味道就中规中矩 几易入口 唔会话好韧👍🏼 跟set嘅月见风紫菜饭👧🏻会拣牛角嘅紫菜饭😂汽水系日本嘅橙味汽水 👦🏻就觉得同芬达好似😂
总括黎讲，如果经过西环可以试吓，但系特登过去就不必啦👌🏻食物唔算真系好好食，同埋地理位置唔方便，所以扣分😖
✨评分✨
食物：6.5/10
环境：7/10
卫生：7/10
服务：6/10
回头率：6/10
张贴
