八月 (已結業)

今日因為有屋企人入伙請食飯，所以係附近開餐。一直都想試下的 八月，環境整潔，服務員都算幾照顧客人，會經常收拾唔要的食品。但星期日的晚市，人流都唔太多。 首先 : 燒乳豬 皮脆肉嫩，但好多肥膏。 西蘭花蝦球帶子，味道一般，正常小菜，未有特別好食。蟹皇翅 : 味道唔錯，有鮮味，蟹肉都算多，但有少許 腥味。鮮飽鵝掌 : 比較入味的菜式，炆得好諗，鵝掌軟淋淋。個醬汁又唔會太 “傑”。 沙巴躉，蒸得剛好，肉質嫩滑。 隻雞係最好食的，皮脆肉嫩，皮脆卜卜，十分香口。蟹子炒飯，本身飯桶的我，比較喜歡食飯，個飯亦都炒得比較爽身，所以幾好食的。麵比較淋及味道較為淡。都是飯吸引D 。楊枝甘露 加雪糕，味道唔太甜，份量十足。仲有 紅豆沙 & 壽包。