魚眾不同酸菜魚 (啟德一號) (已結業)

呢间铺头新开张时好多人，隔咗一排再嚟，晚市已经少返好多客，可能同区有同类型做酸菜鱼嘅竞争对手，所以客源被分薄咗。嗌咗个一人套餐，以前有得免费配鲈鱼片，而家冇咗，要加钱嗌其他鱼，最后拣咗生鱼片，再配娃娃菜同海带。另外饭、米线、薯粉三拣一，最后拣咗薯粉，贪佢够入味。呢碗薯粉份量唔少，食完好饱，金汤非常香口，但略嫌油腻，生鱼片滑嫩，但鱼味不足，整体嚟讲不过不失。另外一人餐加钱有嘢饮，绝不推荐嗌冻奶茶，因为冇乜茶味，只有死甜，冻柠茶就正常。