肆柒食堂

营业中

休息中

之前食过一次，但食咗乜嘢就唔记得。今次就试咗个两人shabu shabu套餐，(挂住食，连相都冇影，不过睇返其他板友都有贴)。加咗廿蚊叫牛肉，两个人得一兜shabu shabu，预咗佢份量少㗎喇。所以叫多一份猪肉。味道不过不失，冇乜大惊喜。不过要提一提，佢啲乌冬真系好好食，又够滑，应该唔系一般平价嘢，而且冇𠮶阵酸味，可能用上汤渌过下，呢样嘢要赞。套餐内包串烧，有猪肉串，鸡软骨，南瓜，同埋茄子，都好好食。茶碗蒸内得一只蚬，都系一般货色都系好食的。唔知系咪蒸得耐咗，啲蛋比较硬，呢样可能要改善一下。总括嚟讲，呢间餐厅都可以翻兜嘅。下次再试下第二样。