天機棧扒房 (已結業)

因为朋友话想食肉，就中午打黎订台，晚上七点食。黎到见到晚餐都差不多$100-$150，有个豪D既set就$198有蚝/鹅肝食。（加一）所以叫左两个set，一个点鹅肝，一个要蚝。首先黎既系前菜。薯蓉好食，凯撒沙律不过不失。之后上头盘。鹅肝好食，外脆内软，又香。蚝虽然大，但无咩味。虾同蟹柳就普普通通。蒜蓉包好脆好好食，汤都足料，虽然系蚬仔。黎到主菜，因为个人唔太好肉，都系叫返饭。个饭好食！有咸蛋同芝士，食左一半都有D饱，但佢好贴心，份量岩岩好。而个猪扒就有D失望喇，可能餐厅环境有D暗，睇落个猪好似红红地未熟。佢好快冻左，而口感比较韧同干。而甜品就不过不失。整体黎讲，咁多样野先收两旧水系合理同值既，但一分钱一分货。唔好期望食物超有水准同超好味。