水門泰式海南雞飯專門店 (已結業)

今日中午去开上环，见到呢间水门鸡饭外卖店就试吓。铺位好细，有6-7个Bar 枱位可以堂食。叫咗泰式海南鸡脾饭，$55。饭盒份量唔算大，够女士食，有啲男士可能唔够饱。鸡系滑嘅，但味唔算浓。饭质可以，但味道略淡。盒饭有少少青木瓜沙律做配菜，虽见诚意，但可惜木瓜丝喺饭盒焗一焗，食时温度唔冻唔热，怪怪地。鸡酱汁味浓，但略为过辣。我本身系食辣嘅，所以无问题，但我相信唔系好食得辣嘅朋友，只可以点少少。由于鸡同饭味道偏淡，想点多啲汁又太辣，所以有啲无奈。整体评语，不过不失，可以一试。可惜未出色到我会怀念想再食。