Panash (已結業)

上个礼拜我同家人起尖沙咀间反斗城行到攰, 见到平时我买开面包0个间原来呢度有埋cafe, 睇落环境都唔错, 又无附近d餐厅咁贵, 就走入去试下.我地叫左个面包咖喱鸡套餐同一客海鲜沙律. 个套餐有汤有包同甜品, 最好系佢d面包系无限量供应! 个侍应仲话个海鲜沙律都可以加钱跟汤, 包篮同饮品. 我地order无几耐汤同包就黎啦. 个杂菜汤味道就浓左少少, 不过都几好饮. 可能0个时唔系好多客, 我地个汤未饮完, 包都未开始食个主菜就黎啦. 个面包咖喱鸡个卖相好吸引, 可惜无带相机... 好少起西餐厅会有得食. 至于味道方面, d咖喱就略嫌淡同埋份量少左d, 如果可以多个白饭就好啦~ 个海鲜沙律卖相就无个咖喱鸡咁吸引, 不过份量又比我相像中多㖞~ 佢个沙律底系类似凯撒沙律咁, 上面加左2只青口, 2只虾同2件鱼. 个沙律味道都还可以, 但海鲜就无乜味. 饮品方面, 我地拣左蒸馏咖啡, 因为见到好得意~ 个侍应仲会拎埋个玻璃咖啡壶埋黎先斟比你. 咖啡味道浓郁, 唔错~ 我地仲叫左个儿童餐既甜品比小朋友. 卖相都几趣致!总括黎讲, 都系d面包最有水准, 而咖啡亦系面包之外最好既选择~ 其他食物都