影片
更多
2008-11-24
41 浏览
之前上黎见呢度讲到bubba gump咁好,所以就打定去订位同男友系呢度食生日饭~但第一次打去果阵听电话果位女待应好急,好似无mark低系庆祝生日同要求坐位果d!所以到差不多食饭之前稳阵起见我再打多去一次,今次系另一个听~原来之前果个真系咩都无mark低(好彩打多次去姐如果唔系分分钟去到无想坐既位仲分分钟无位坐添因为佢咩都无mark低)因为早到左关系,我地要求早小小入去坐,因为订位时系想坐window side,但因为早到左既关系,好彩果阵唔算好多人,如果唔系我相信未必咁顺利比到我地坐window side!坐低左果度既waiter就介绍一下台上面既牌有咩用意~睇完menu叫左2杯野饮,3样野食~其实果3样野食未去到都打算叫:cajun shrimp,frankie's baked seafood and rice同america's seafood sampler!野饮方面都唔错,大大杯,仲有个杯送;其实2杯都饮唔出话好cocktail既味,但前者都几开胃,而mama's favorite就比较似奶昔!终于食左cajun shrimp,真系几好味,好香,下次再去都会再叫~而个芝士饭真
但第一次打去果阵听电话果位女待应好急,好似无mark低系庆祝生日同要求坐位果d!
所以到差不多食饭之前稳阵起见我再打多去一次,今次系另一个听~
原来之前果个真系咩都无mark低
(好彩打多次去姐如果唔系分分钟去到无想坐既位仲分分钟无位坐添因为佢咩都无mark低)
因为早到左关系,我地要求早小小入去坐,因为订位时系想坐window side,
但因为早到左既关系,好彩果阵唔算好多人,如果唔系我相信未必咁顺利比到我地坐window side!
坐低左果度既waiter就介绍一下台上面既牌有咩用意~
睇完menu叫左2杯野饮,3样野食~其实果3样野食未去到都打算叫:
cajun shrimp,frankie's baked seafood and rice同america's seafood sampler!
野饮方面都唔错,大大杯,仲有个杯送;
其实2杯都饮唔出话好cocktail既味,但前者都几开胃,而mama's favorite就比较似奶昔!
终于食左cajun shrimp,真系几好味,好香,下次再去都会再叫~
而个芝士饭真系好漏,我同男友食到一半已经停左手~
最后既america's seafood sampler好足料,我谂我今餐加加埋埋成台既虾一定过佰;
可能过200,因为成餐都系虾,不过入黎亚甘虾就梗系食虾啦hahaa!
但个人觉得,如果唔太大食,叫2样都够,因为佢全部都系炸野;
虽然唔系食左好多野落肚但已经感觉到好漏同停哂手~
如果成班人去既话,叫america's seafood sampler一定唔怕唔够分呀!
到最后,叫waiter上甜品dessert!
其实都唔系好明,订位果阵讲明左,到叫waiter上果阵佢完全唔知咩事or唔会check下之前有d咩special order咁~
等左好耐,起码3,4个字,先上甜品,系一杯好似奶昔既雪糕,因为又唔似雪糕咁冻又一味好多cream同奶!
最好笑系佢竟然要求生日果位企定定,等佢地唱歌;
其实我觉得唱生日歌都唔系咩问题,但要人企定定真系有点儿肉酸
整体黎讲,考虑番地点环境同食物$$都唔算好贵,始终果区都系食中上价既野;
如果你要计话果d虾值几多钱丫就一定唔值架喇,
但以分量黎讲真系比足料,唔会话一味贵比小小,因为野食方面全部都大大份同几好味~
但真系再一次奉劝食得唔多野人,唔好叫咁多野,如果唔系就好似我地咁.好waste!!!
service黎讲都唔错,但个人觉得可以再礼貌小小;
因为果度既人都几busy,有小小大细超感觉,可能我地系local啦;无咩招呼咁~
我眼见隔离台果台本地人都瓜瓜嘈,原因系无人serve/理佢地!
相反如果系游客果d,佢地就好热情不停同佢地倾计撩佢地咁,
连走果阵都好好礼貌同佢地又笑又讲野~我地就真系无呢种服务啰!!!
如果下次再黎,我谂同朋友黎饮野食tea都ok,当饭食真系好辛苦,搞到好漏呀因为!!!
张贴