和味館 (已結業)

食过三四次..都唔系话好差..再差既都有。呢次我系星期五 5点半食，所以要俾每人 $10 附加费，埋单个阵每都要$148。可能因为多人既关系，而且有其他客人BOOK左位，所以我食左个半钟２佢就立即要我LAST ORDER，够２小时立即叫我地走。就算未食晒佢都唔理你。＊食物　食物种类都算多，但刺身比之前少左，可能因为日本冇货。　刺身都新鲜，而且无雪味。　但点左既食物，成日都会上少左！！　有D点左２－３次佢先上俾我，我就当佢好忙，算啦。＊环境　环境唔差，几靓。　唯行人通道只可容纳一人行，对面有人行埋黎都唔会行得到。　再讲，由于地方都唔太大，所以带袋既都几唔方便。　店内有洗手间，但我冇去到。＊服务员　服务员态度一般。我唔驶你笑到４万咁口对住我，但都唔好死老豆咁样丫。　叫佢帮我落单，成日都唔记得！！＊其他　－　订位服务　　　有订位服务，所以等候既时间都唔会话好耐。等待时间都视乎你咩时间食。　　　我同朋友食都系５点半，所以唔驶等就可以入坐。　　　我都试过冇BOOK位就walk in，佢都同我讲冇晒位。　－　生日蛋糕服务　　　呢个服务需要订位，而且要够一定人数。　　　　　　我试一次，蛋糕一般。