影片
更多
2014-04-02
3338 浏览
睇完啲食评，抱住好大期望嚟试。1. 炸饺子。本身系要炸泡菜饺，但系啲侍应又唔系好识英文，我更加唔识韩文，所以食咗呢个普通饺子。冇特别，叫第二样嘢食好过。2. 炒粉丝。唔错，好多𩠌，如果粉丝多返啲会更好。3. 牛肋骨年糕。牛肋骨可以拣份量，要两条三条四条都得。我哋要两条，份量都多到食唔晒 。牛肋骨几好食，啲配料白萝卜都好入味。年糕得四条仔，又出奇地俾咁少~4. 泡菜饼。个饼烟烟 un un，口感似糯米，唔系我食开嘅 texture。好唔好食就睇你钟唔钟意呢个口感啦！总括嚟讲，啲份量好大份，我哋一行三人食完全部要打包。食完个口好渴，味精都几重，最大嫌疑应该系牛肋骨。坐得都舒服，不过坐正厨房前面，窗外仲有大盏灯射到应一应，一路食一路出汗。有得 book 枱，记住唔好坐窗口𠮶边。服务唔好架，韩国餐厅系咪都系咁上下招呼？
1. 炸饺子。本身系要炸泡菜饺，但系啲侍应又唔系好识英文，我更加唔识韩文，所以食咗呢个普通饺子。冇特别，叫第二样嘢食好过。
2. 炒粉丝。唔错，好多𩠌，如果粉丝多返啲会更好。
3. 牛肋骨年糕。牛肋骨可以拣份量，要两条三条四条都得。我哋要两条，份量都多到食唔晒 。牛肋骨几好食，啲配料白萝卜都好入味。年糕得四条仔，又出奇地俾咁少~
4. 泡菜饼。个饼烟烟 un un，口感似糯米，唔系我食开嘅 texture。好唔好食就睇你钟唔钟意呢个口感啦！
总括嚟讲，啲份量好大份，我哋一行三人食完全部要打包。食完个口好渴，味精都几重，最大嫌疑应该系牛肋骨。坐得都舒服，不过坐正厨房前面，窗外仲有大盏灯射到应一应，一路食一路出汗。有得 book 枱，记住唔好坐窗口𠮶边。服务唔好架，韩国餐厅系咪都系咁上下招呼？
张贴
