金裝燉奶佬餐廳 (已結業)

自从体检验出有脂肪肝，家母每朝都会为小肥煮制健康美食带返公司食。点知细佬有一日，朝早忙著出门口之际，竟然大头虾到遗留咗份午餐喺屋企，𠮶日除咗激嬲咗妈咪之外，中午当然系要落街揾野食啦 ！结果就同靓仔经理求其去咗附近一家茶餐厅「金装炖奶佬」，食咗份午市套餐。湾仔道𠮶间「金装炖奶佬」同其位于福和街间分店o既间隔差唔多，感觉好方形，大多以两至四人枱为主。散座黄色o既厚垫櫈令餐厅望落去更光鲜明亮，而且亦都几好坐，不过最好可以坐到卡位，享用更多o既私人空间。炖奶佬地方虽然谈不上一尘不染，但总比一般茶餐厅干净企理。店内o既伙计大多为后生仔女，态度唔可以话十分友善，不过手脚都算快。午饭时间只有一个钟，所以我地每人都系叫咗份精选午餐。 精选午餐之白汁野菌鸡皇饭（$41）：白汁野菌鸡皇饭可以话系不过不失，野菌爽脆，鸡胸件一啲都唔嚡，只系层外皮有少少硬，白汁味道香甜，问题系个汁杰得滞，同埋整体唔够热。 精选午餐之餐汤：中汤为老火汤，西汤则为罗宋汤，睇相就知两款都几油，而且好浠，又冇乜料，早知叫杯咖啡饮好过 。「金装炖奶佬」午市主要做附近写字楼工作人士o既生意，地方比一般茶餐厅较为舒适，食物质素唔算好