三小姐海鮮小菜

营业中

休息中

因为预先订左位，所以唔驶等就有位啦。本身听闻三小姐食物份量都比熟食中心其他食肆多，但根据呢一餐，就似乎唔系个回事。个晚都成十个人一位，都叫左唔少野食，兼加左两次单，都系啱啱好够饱。特别讲下最深刻印象个几道菜，首先系我最欣赏嘅炸大肠，可能系因为平日好少食，所以零舍觉得新奇，大肠炸得好脆，但又部就得外面红色脆个part，无左入面够大肠，炸得比较散，但味道真系唔错，表皮松脆，内里又几烟韧，唔会太咸。另外，仲有肥牛粉丝煲，都系个个问题，量太少，一人一旧就无晒，但味道尚好，粉丝都唔会太淋，而且牛肉唔腥唔韧，好香蚝油个种咸香味，热辣辣用锅上系几滋味嘅!仲叫左两碟唔同口呼嘅陈村粉，牛肉个个就会比较浓味，但我个人偏重口味，所以都接受到，另外个碟就系猪颈肉嘅，味道一样偏浓，陈村粉吸晒D汁，会更加咸。除此之外，仲点左咕噜肉、黑椒牛仔骨等普遍小菜，味道不过不失。