Rosie's Cafe by cafe company (已結業)

第一次上黎写食评，希望以后帮到大家共同对抗人生最大既哲学难题，今晚食乜好？话说我同女友一个住观塘一个住天水围，未去到天各一方但其距离足够令好多地方都令我地为之却步，而今日所拣既「中间点」-沙田。沙田餐厅集中，都系围绕新城市同邻近几个商场仔度觅食，而今日既目标就系Rosie's Cafe。适逢周日整个商场满布陆客都预料之内架喇，但意想唔到约莫七点钟既黄金时间竟然门口只有一个家庭（一男一女一小孩）正在等待，正门无任何工作人员或机器派飞，我地同果家人一同于门口向里面既侍应示意都无人理会，果家人不耐烦走了，企左约5分钟先有职员黎带位（语气仲要唔多友善）。坐低拣好野食，Order果阵有个职员喺隔离台上完菜，我地叫一叫声唔该示意落单，四目交投后佢选择直接离开。大家如果选择呢间餐厅，最稳阵真系叫返Pancake。Entree不建议，份量少且调理一般呢只热狗有啲惊喜，系个包有点硬，但味道无可投诉。总结：为Pancake而来是绝对可以的，但肉类料理确实一般且价钱并不算便宜，服务有待改善，临走眼见有三四张吉台，但外面排晒长龙无人理，食净既吉碟唔到埋单一刻都唔肯收，整体只算一般。