越棧越式湯粉專門店 (已結業)

笁星期五同老公加个女三个人因为要到金鱼街买野，所以就决定系旺角食晚饭，本身谂住去食争鲜，但实在系太多人等位，见到隔离间越栈冇人，就入左去食了。（呢个行为好大胆）星期五晚上7点几都系冇咩人食，唔知系咪真系隔离间争鲜太吸引定系因为个商场装修梗，成间餐厅得返3-4张台系有人。入到去睇左个menu,计一计都系食二人餐抵过散叫，于是就叫左个二人餐啦。188蚊有咁多样野好似好抵咁。我老公叫左个牛腩片札肉红米饭，札肉有4片左右，比较薄。牛腩片反而几好味，虽然都系得3-4片，但肥瘦适中又唔会好硬，上面嘅葱油系越南菜灵魂。但反而个块菜好似系夹硬放系度伴碟咁。我就叫左个生牛肉加香茅猪扒汤蒙。个汤底系好香嘅牛肉味，生牛肉有大约5片啦，上到台时都唔会熟哂。香茅猪扒因为浸左落汤其实已经冇哂味，1d香茅味都食唔出，碗汤粉加埋笁洋葱同金不换加埋红椒仔食一流。卜汤浸萝卜：萝卜偏老，好多渣，但都入味嘅，个汤底都系牛肉汤底。猪颈肉：呢个味道就系普通，只食出咸味....越南春卷：个皮好脆，但入面嘅材料系淋到我都食唔出同睇唔出系咩黎.......但188蚊食到咁多野黎讲又几抵嘅，但员工服务就有d hea啦，唔多想做咁....