越南屋

营业中

休息中

天气凉咗，多咗动力行去大埔墟揾嘢食，原本想去街市熟食中心食台湾嘢，但餐厅疑似结咗业嘅情况下，唯有行远少少去食越南汤河啦。越南屋位于南盛街，之前食上海嘢时已经望到，由于已经两点几，所以人流唔多。餐牌有越南特式汤河，亦可以自选一𩠌汤河/蒙或捞河/蒙，都算多选择，加12蚊可配特饮，可惜唔可以配滴漏咖啡。今日叫咗香茅猪扒汤河，汤底颜色较深，饮落味道都几浓，有轻微芫茜味，河粉轻微煮得过耐，一夹起已经有少少碎，猪扒煎得够香口，食落依然鲜嫩有肉汁，算系唔错。