米線陣 (翡翠明珠廣場)

营业中

休息中

明珠广塲开咗个 food hall，所以去试新菜！原本想试上海姥姥但太多人等位，所以去咗米线阵。有套餐但晤系好啱口味，散叫咗个"剁椒麻辣汤"底（大辣+卤水大肠+云吞）加个“大汗鸡翼”&"芒果铁观音"，汤底虽然话系大辣仲要剁椒，但无想像咁辣，辣度应该系“谭仔”嘅十辣，汤底系清嘅。米线晤会太冧有咬口，大肠好入味，云吞有三粒算系大入面亦有只细虾。“大汗鸡翼”卖相无餐牌相入面咁多辣椒干，如果晤加埋底个啲花椒同辣椒干，就咁食晤算好辣。睇落好似好干咁，但咬开就食到系皮脆肉嫩，几juicy ! 芒果铁观音，好大个茶包喺冰上面，底有芒果肉。无乜茶味，但有几甜（糖水）芒果肉/味。