Cafe 1980s (已結業)

公司一大班同事话想试下呢间餐应，于是就黎咗试下。环境都几ok，好多霓虹灯装饰，食饭打卡自拍一流。餐牌上面的餐都几多样化，样样都想试下，花多眼乱。呢间餐厅都算几健康饮食，有素餐有肉餐。食材好似都几新鲜同埋都几新颖。是日星期三，我就试咗佢个一号餐。法式苹果醋烤猪扒，听落都好似几有gimmick。终于等到个饭黎，卖相一般，不过有肉有瓜，如果饭再多d就好喇。苹果醋味道都算出，有小小似比较酸既苹果汁，味道尚算清新。猪扒size适中，唔会话太厚好难咬。加埋d瓜，其实食落都几清新。其实总括黎讲都算唔错，唯一打工仔黎讲个人觉得偏贵。