彩福皇宴 (已結業)

今日晚饭选择再去皇室堡9楼嘅彩福皇宴 因为已经食咗下午茶垫底 所以一行四人净系叫咗三𩠌一汤 环境唔需要多讲 都系普通婚宴专门店咁嘅阵容 好多镜好多射灯 不过环境都尚算阔落 侍应都叫人多 必食冬瓜盅 200头就可以食冬瓜盅 本身以为呢个冬瓜盅只系例牌 可能张图我影得唔好 事实上佢系非常之大 我哋四个人每人饮咗四碗先勉强饮得晒 入面有好多虾 咸瘦肉 金华火腿 仲有少少元贝 冬菇 同带子 味道好清甜 冇乜味精味 较为清淡 好啱食饭之前饮 亦好解薯 饮完好舒服 比起例汤都要190蚊 真系超值 蒜蓉炒苋菜 睇幅图就唔想食 啲苋菜炒到非常之干 完全冇蒜蓉味 好嚡 完全感觉到 食落去好伤胃 所以成碟原封不动 摆咗喺度 蜜汁叉烧例牌 佢配埋啲黄豆 黄豆似摆咗好耐 味道普通 叉烧相反就好正 半肥瘦 慢煮 再焗到出面脆卜卜 入面好淋好松软 非常之入味 送饭啱啱好 后悔只系嗌咗礼牌 应该叫多啲 因为好快就大家都食晒 鱼香茄子煲 其实都好大兜 不过略嫌姜味重咗啲 睇图都见到 好多姜粒 煮法同传统鱼香茄子煲应该冇乜分别 用油炸𠮶啲茄子再落咸鱼辣椒其他配料炒埋一齐再用煲上 味道冇乜特别 唔会特别好食都唔难食