一君士多 (已結業)

因为小朋友有表演所以一早出左尖沙咀，谂紧食咩之际有人提议呢间餐厅就系附近，行到见冇咩人就入去试试啦。原本想试下捞面、汤饭咁，但见到有个午市套餐，$65包三𩠌面、小食同野饮，我地就叫左3个餐啦。车仔面既𩠌选择唔算多，我地叫左:1) 牛腩牛筋冬菇2) 猪肠鱿鱼萝卜3) 牛腩鸡翼时菜大部份野食都正正常常，冇咩惊喜，份量都系可以接受既水平，但就唔系讲得上系好食既。牛腩系一粒粒咁上，唔太食得出腍唔腍，牛筋同鸡翼唔算入味，萝卜有小小酸。食完接近1点，间餐厅9成坐满，下次可以试其他野食。