影片
更多
2019-09-16
332 浏览
正宗兰州牛肉拉面 #尖沙咀𠮶日落大雨，咁啱喺尖沙咀见到有间好大食兰州牛肉拉面嘅铺头，于是就入咗去，𠮶阵仲系下午茶时间，所以就试咗佢哋嘅下午茶餐，全部下午茶餐都大约系$60左右，唔算太平但系呢个份量来讲又唔系好贵嘅。兰州牛肉拉面+凉拌土豆丝 ~$60店员讲到明下午茶餐嘅份量系午餐嘅一半，不过其实成个面底份量都唔少，不过啲牛肉就净系得三块，而且仲要系非常薄切。汤底: 清清地，带少少牛肉味面: 其实类似刀削面，煮得仲有少少咬口牛肉: 讲真咁薄都好难韧得去边，不过份量同埋个口感就真系争咁啲整体嚟讲，正正常常，唔需要特登去试。另外下午茶会加送一个配菜，今次就拣咗凉拌土豆丝，就系一般嘅土豆丝，冇乜特别。肉夹馍+烤羊肉 ~$60虽然冇真系食过大陆嘅肉夹馍，但系都系香港好多唔同嘅陕西餐厅食过(eg 西香记)，呢个要咁我同平时食开𠮶啲好唔同，佢入面啲肉唔系手撕肉，而系一粒粒肉碎，而且个味道有少少似咖喱味，唔系话唔好食纯粹系觉得唔太正宗。至于个外皮其实都考得几香脆嘅，不过成个都几油腻。反而个烤羊肉嘅味道同埋质感又做得几好，孜然味香，肉质淋，带有少少羊苏味，几正。烤鸡翼 $18味道同烤羊肉系同一个味，所以同
𠮶日落大雨，咁啱喺尖沙咀见到有间好大食兰州牛肉拉面嘅铺头，于是就入咗去，𠮶阵仲系下午茶时间，所以就试咗佢哋嘅下午茶餐，全部下午茶餐都大约系$60左右，唔算太平但系呢个份量来讲又唔系好贵嘅。
兰州牛肉拉面+凉拌土豆丝 ~$60
店员讲到明下午茶餐嘅份量系午餐嘅一半，不过其实成个面底份量都唔少，不过啲牛肉就净系得三块，而且仲要系非常薄切。
汤底: 清清地，带少少牛肉味
面: 其实类似刀削面，煮得仲有少少咬口
牛肉: 讲真咁薄都好难韧得去边，不过份量同埋个口感就真系争咁啲
整体嚟讲，正正常常，唔需要特登去试。
另外下午茶会加送一个配菜，今次就拣咗凉拌土豆丝，就系一般嘅土豆丝，冇乜特别。
肉夹馍+烤羊肉 ~$60
虽然冇真系食过大陆嘅肉夹馍，但系都系香港好多唔同嘅陕西餐厅食过(eg 西香记)，呢个要咁我同平时食开𠮶啲好唔同，佢入面啲肉唔系手撕肉，而系一粒粒肉碎，而且个味道有少少似咖喱味，唔系话唔好食纯粹系觉得唔太正宗。
至于个外皮其实都考得几香脆嘅，不过成个都几油腻。
反而个烤羊肉嘅味道同埋质感又做得几好，孜然味香，肉质淋，带有少少羊苏味，几正。
烤鸡翼 $18
味道同烤羊肉系同一个味，所以同样都唔错，不过又唔系食到好哗然嘅。
味道:3.5/8
性价比:3.5/8
成间餐厅都好正常，绝对唔需要特别去食，但系如果咁啱经过冇嘢好食嘅话都可以食嘅，都唔算太伏。
张贴
