三星台菜食堂 (新城市廣場一期) (已結業)

环境：干净整洁，一般都系圆枱，有3个位，2个人黎既，就会有张邓摆下野。点餐用QR code 既，食物种类都多既，但我大约晚上6:30左右到已经有小部分食物显示售罄。价钱方面我会评为中上，2个人去点左2碗面1个小食1杯饮品埋单300左右，台湾菜黎讲算贵。食物：花雕醉鸡脾都几入味，食得出酒味，鸡脾食落口感唔柴。但粗面略有逊色，面粉味重，唔够弹牙，汤底比较甜，所以评价会系合格（因为只鸡脾）。小食炸大肠，都几好食既，炸得够脆，加上蒜头味道，好惹味。另一碗系麻辣鸭血面，但转左冬粉，类似粉丝既面。冬粉吸汤，所以都几好味，汤底都几辣，但食落就真系只系得麻辣味。另外，鸭血好味既，厚身大约有4块，都算入味既，食落口感都唔错。最后叫左杯黑糖奶茶加珍珠，（但唔知点解落单个到话珍珠奶茶售罄，但又可以比我地加到珍珠？），味道饮落就系珍珠奶茶，黑糖味消失左，你当佢系一杯珍珠奶茶都不过不失，但黑糖奶茶就会唔合格，因为杯身见到黑糖，但饮落无黑糖味。