Lagom Kaffe (已結業)

平日两点黎到，入到去见到都有一啲空位，不过咁啱有卡位坐，可能因为book左枱挂～环境可以算系正常地好，坐窗边可以加分，装修黎讲就预期中嘅分数。干净+清新。两个人嗌左两个意粉加一个fish and chips，午餐饮品半价要左一杯，最后计埋加一三百零蚊埋单。Fish and Chips份量够，好快上枱，一开始有啲担心系咪新鲜炸。整体黎讲系不过不失，唔算突出。够热，不过鱼就油腻左啲，一切落去会见到有油流出黎。同埋腌多左，比较咸。奶油罗勒干贝意粉都系咸，又唔算系heavy，不过系个酱嘅调味嘅问题。带子无咩特别。$128算有啲贵。巴马火腿奶油牛肝菌汁意粉唯一无咁咸嘅食物。无咩特别，火腿同菇都唔算特别好食，正常水准。个菇汁再香啲就好。总体黎讲，野食太重口味，价钱可以接受（如果你会食埋个环境嘅话），尤其系佢无限时，可以慢慢坐同倾计。睇吓你系唔系只追求食物嘅人。