麥蛋糕 (已結業)

呢几年都好兴，大大件台湾古早味蛋糕🤗🍰街上面铺头数量都唔少，喺油麻地闻到好香，忍唔住买返一件试吓。味道种类唔少，最常见嘅芝士流心、抹茶红豆、黑糖、原味，仲有芝士蛋糕添。因为太多选择所以都谂咗好耐，同行友人系咁催我快啲拣嘢食好紧要，梗系要谂耐啲啦。芝士流心食过其他舖头好多次，今次拣咗肉松蛋糕，因为知道妈咪钟意食，大大件买返屋企一齐食~$80。 感觉有少少贵，返到屋企打开都真系几大件，唔太甜几好~蛋糕都几松软，不过不失。