臻.茶 (福華街) (已搬遷) 新店位置

经过深水埗，见到臻茶好多人排队，门口餐牌贴住特价，于是去帮衬。同一条街有另一间茶饮店，但系冇人嘅，呢间好多人，应该口碑几好。付款不用排队，但拿饮料嘅时间要等差不多20分钟 ， 街舖嚟讲要等咁耐，夏天又热，有啲辛苦，可能因为单太多。 旁边咁啱有间店舖可以入去shopping，行完一阵再行出返嚟都仲要等。芝士哈哈叫咗微糖，冇得少冰，因为系沙冰嚟嘅。首先试下就咁饮啲奶盖，奶盖应该太杰身， 塞住咗个洞口，完全饮唔到，要插饮筒饮。 微糖嘅哈密瓜加埋个芝士奶盖，味道中和咗，搅匀佢都几好饮。 咁热嘅天气饮一啖，人都即是凉返哂。