春水堂 (新城市廣場三期)

营业中

休息中

香港版既春水堂，沙田呢间长期都有啲人排紧队，我都要排左15分钟。叫左呢个手工麻香面线$48，有啲䓤油同埋只蛋，讲真既话我觉得不及台湾的香口，一上台好香既麻油味，但系食落口就有啲失望，面线有咬口，但味道就真系寡左少少啦。相反，隔黎既麻辣青瓜$38就好啲，够晒惹野，不过辣度对于一般人黎讲就偏辣，所以如果个胃唔太好既朋友就应留意一下喇，麻得够，条脷会有少少麻既感觉，如果加多少少醋会仲香呀。小编仲嗌左杯铁观音珍珠奶茶$28不过因为要解辣所以直接把口饮先无留比相机饮，我觉得同我一如既往一样都系奶茶做得最好有奶香味。今次无叫平日最香口既牛肉面，如果钟意牛肉面记得叫番个。大家如果挂住台湾可以去吊下瘾，题外话都系台中既春水堂最抵食。