京饌 (已結業)

平日夜晚七点去食，完全唔使等位。所有食物都上得好快，建议逐啲逐啲嗌。啲𩠌一次过送晒上嚟，食唔切搞到摊冻晒。黄袍北京填鸭（半只） $250鸭肉都香，有啲肥肉而不腻，配菜有京葱、青瓜之余，仲有山渣条，夹埋一齐食都几开胃。而且胜在可以叫半只，两个人食啱啱好。四喜烤麸 $68呢餐入面最满意嘅一道菜，烤麸好入味口感好有弹性，甜中带咸味道好好。香露醉鸡 $90鸡真系好滑，但可惜唔够入味，完全食唔出酒味。醉鸡嚟讲，系唔合格嘅。陈醋肴肉 $88水晶部份用陈醋制成，唔单止卖相吸引，衬埋啲肉仲好香。南翔小笼包 $60皮薄，小笼包里面好多汁，送上嚟𠮶阵热辣辣，唔错。