影片
更多
2022-01-28
116 浏览
哩间餐厅开咗好多年，成日觉得佢个位置好特别好隐蔽，门外装修有少少文青同田园嘅感觉，咁耐以嚟都无去过，最近老公搬咗去荃湾返工，好，一于试吓。我哋叫咗迷你玛格丽薄饼同香草忌廉汁鲜虾螺丝粉餐，套餐包餐汤、沙律同饮品，价钱十分大众化。最先到嘅竟然唔系餐汤或沙律，而系玛格丽薄饼。餐厅里面得两个侍应，我谂佢哋都做唔切，上菜嘅次序都乱晒了。薄饼一到，我同老公都打咗个突，讲真，我无谂过迷你成咁，只有女人手掌✋🏽咁大，我本身都算细食，但我都唔够饱。味道就十分普通，我老公话似系急冻薄饼，薄底好干身唔烟靭，番茄酱得好少，芝士无乜香味，有点失望。食完薄饼，过咗十五分钟都无其化嘢到，期间我哋都有向侍应打眼色，但佢哋无理，见佢哋好忙我哋都唔好意思催佢哋，但等了又等，等到把鬼火忍唔住问侍应，佢话帮手跟一跟，我哋都几肯定佢哋漏咗单。过咗五至十分钟，螺丝粉终于到了。份量一样好迷你，颜色唔太讨好，本身都无乜期望，点知一食，哗，我们错了！好美味！个忌廉汁好浓郁，带有淡淡嘅辣味好惹味！螺丝粉软硬度亦合适，虾都唔错，整体有惊喜。过咗一阵，佢哋又上多一个薄饼，相信佢哋真系人手十分短缺，频频出错。过咗一阵，汤终于来了，次序真系错晒
最先到嘅竟然唔系餐汤或沙律，而系玛格丽薄饼。餐厅里面得两个侍应，我谂佢哋都做唔切，上菜嘅次序都乱晒了。薄饼一到，我同老公都打咗个突，讲真，我无谂过迷你成咁，只有女人手掌✋🏽咁大，我本身都算细食，但我都唔够饱。味道就十分普通，我老公话似系急冻薄饼，薄底好干身唔烟靭，番茄酱得好少，芝士无乜香味，有点失望。
食完薄饼，过咗十五分钟都无其化嘢到，期间我哋都有向侍应打眼色，但佢哋无理，见佢哋好忙我哋都唔好意思催佢哋，但等了又等，等到把鬼火忍唔住问侍应，佢话帮手跟一跟，我哋都几肯定佢哋漏咗单。
过咗五至十分钟，螺丝粉终于到了。份量一样好迷你，颜色唔太讨好，本身都无乜期望，点知一食，哗，我们错了！好美味！个忌廉汁好浓郁，带有淡淡嘅辣味好惹味！螺丝粉软硬度亦合适，虾都唔错，整体有惊喜。
过咗一阵，佢哋又上多一个薄饼，相信佢哋真系人手十分短缺，频频出错。过咗一阵，汤终于来了，次序真系错晒，侍应话汤可以免费任添，汤可以任饮真系第一次听。但⋯⋯一饮，哗！真心想添多几碗，好好饮嘅罗宋汤。
最后因为赶时间，我哋连沙律同饮品都无叫就离开了。希望餐厅可解决人手不足嘅问题。
香草忌廉汁鲜虾螺丝粉
$65
35 浏览
0 赞好
0 留言
迷你玛格丽薄饼
$58
16 浏览
0 赞好
0 留言
张贴
