必勝客

营业中

休息中

姨妈生日，无得出街食饭，唯有叫外卖。叫咗附近嘅必胜客同别的餐厅，讲真，一路都对必胜客无乜期望，已经好耐无入餐厅食饭，只会平时一大班人聚会先会贪方便嗌佢嘅外卖。我哋8个人叫咗个二人大批套餐，包一个大批、一款小食、一款饭或面同两罐汽水。我哋叫咗千岛海鲜芝脆批（额外要加40几蚊）、香蒜肉丝意粉、8只原味鸡翼（另加$15）同汽水（汽水可以加钱转绿茶或者汤）。加加埋埋大概$300。好彩路程唔远，拎到返屋企都仲系暖嘅。最先要试嘅当然系佢嘅比萨啦，一食，咦，都唔错㖞，比想像中好好多，当然唔可以话好好食，但起码可以食得晒。始终因为系外卖，个边已经唔脆了，不过芝士系足料嘅。但大家都可以见到其实佢其他啲馅料都好少，海鲜少、菠萝少、配菜少，哩个系我唔太钟意必胜客嘅原因，唔只唔足料，佢嘅酱汁都好少，所以食落去主要系食到包味，希望佢哩方面可以改善吓。香蒜肉丝意粉由细食到大，配料亦好少，不过肉都几香口，有好香嘅胡椒味，但蒜味就唔太够，只可以话味道清淡，啱老人家食。原味鸡翼反而唔错，都几入味，肉好嫩，焗嘅时间啱啱好。不过不失，但比想像中好