鍾菜館

营业中

休息中

前一排去火炭探个亲戚，探完之后就话去附近地方食饭，由于附近都冇咩选择，而且呢间酒楼附近系可以停车，所以就拣咗呢间酒楼。但入咗佢哋嘅停车范围之后，𠮶啲印度籍管理员就系咁叫我比架车佢哋泊车，我讲咗唔需要，我大把时间，但系佢哋死都要帮我泊。但又唔系无位，我都泊到啦。感觉佢哋系好想最尾你俾佢小费，我非常唔钟意呢个感觉。所以如果要揸车嘅朋友想试呢间餐厅就要小心。点左几个菜，烧鹅好多骨，虽然味道唔错。另外有个虾味排骨都还好，虾味几特别，而且非常脆。茄子煲就冇咩惊喜，感觉上系茶餐厅质素，但酒店嘅价钱。而且店员嘅服务态度一般，下次去火炭都未必会再帮衬。食完之后本来谂住坐多阵，但系觉得佢哋啲冷气越嚟越冻，好似想赶人走咁。