LA Restaurant & Dessert Bar (已結業)

最近呢间威灵顿牛柳好出名，当晚排咗40分钟左右。点咗威灵顿牛柳，加$30配鹅肝多士，本身威灵顿牛柳已经包咗面包、汤仲有嘢饮，所以冇再额外加钱要side dish.一开始嚟咗忌廉汤同埋蒜蓉包。忌廉汤系平民西餐厅一般饮到果种。蒜蓉包就配上调左味嘅蕃茄碎，上当开胃。鹅肝多士上枱嘅时候有啲失望。因为见到其他食评嘅鹅肝都系完整同埋有相当嘅厚度，但我𠮶块好似切烂咗，煎过熟同埋唔厚。因为本人好钟意食鹅肝，所以我请侍应换一块比较完整嘅。侍应解释佢哋系买大嚿鹅肝返嚟自己切，所以换过件都系会咁嘅样。之后我望到隔篱枱嘅鹅肝同我𠮶块差唔多样，我就冇再要求要换，始终加$30都唔会太高期望。因为煎太过耐，食落冇平时食开嘅入口即溶嘅感觉。期待已久嘅主菜威灵顿牛柳终于上枱。虽然唔期望系正宗嘅威灵顿牛柳，酥皮亦冇包晒块牛柳，但系卖相唔太差。冇加钱要side dish都有啲沙律同埋瓜类同菇类左半碟。牛柳切开都冇乜筋。我叫咗五成熟，望落去差不多。食落去酥皮可以接受，牛嘅味道唔出亦唔系特别juicy. 所以成餐饭我认为不过不失，午餐唔过$100就比较抵食，但晚饭需要$198就真的不要期望太高。