翡翠拉麵小籠包

营业中

休息中

约咗个多年无见嘅朋友，因为佢在国外生活，所以梗系要去揾中菜食，始终喺外国，很难揾到好嘅中菜餐厅，因为好多酒楼都无位，所以最后去咗翡翠拉面小笼包。我哋叫咗小笼包、萝卜酥及小食拼盘（镇江肴肉、甜醋茄子、鸡丝粉皮同川辣皮蛋豆腐）。小笼包皮薄多汁，今餐最好食的！上汤好有鲜味，肉香嫩滑，点上香醋更滋味，味道更有层次。萝卜酥就比较失望，酥脆感系有的，不过油味较重，调味比较寡，萝卜份量奇少，味道淡，唔清甜。小食拼盘中特别钟意甜醋茄子，味道酸甜开胃。镇江肴肉都唔错，达标。但鸡丝粉皮嘅粉皮则太厚同唔够烟韧。整体嚟讲都自唔错，不过略嫌有少少贵。