池記幸運星

营业中

休息中

朋友约咗响铜锣湾附近食午饭倾少少嘢，但系又惊太多人揾唔到位，跟住有人竟然想食云吞面，但系又想坐得好啲，结果其中一个朋友介绍咗你池记幸运星。门面环境都干净企理，排咗一阵队就已经入得去，三个人坐一个转弯位勉勉强强坐得晒，最主要系转弯位有梳化位，所以坐得真系几舒服，仲有大玻璃望到出边，以食云吞面餐厅嚟计地方真系冇得输。叫咗个牛腩筋云吞竹升面，汤底几香，但系对我嚟讲有少少偏咸，竹升面嘅口感还可以，但系唔算太突出，云吞系属于细细粒𠮶种，食落去到食到云吞味嘅，牛筋腩份量一般般，牛筋得一旧仔，牛腩有三旧，整体份量唔算好大碗。另外仲叫咗一个蛋挞，虽然我比较喜欢酥皮蛋挞，但系佢呢个蛋挞做得都算几好味，亦都唔会太甜。总括嚟讲响铜锣湾食云吞面加埋坐嘅环境黎计，其实都算系几好嘅。