米子

营业中

休息中

过咗去九龙湾𠮶边做嘢，跟住就行咗去附近嘅MegaBox𠮶度揾嘢食，身边嘅朋友话想食越南嘢，所以就跟住个水牌指示走咗去米子。可能去到已经系下午茶时间，所以人唔算多，即刻有位。我哋分别嗌咗一个生牛肉汤河，同埋一个鸡扒捞檬，嚟到嘅芽菜香叶份量都算几多。生牛肉汤河啲牛肉到生生地嘅，呢方面几好，佢嘅汤就不过不失，我都系要加鱼露落去一齐食先似番啲。鸡扒捞檬都系稳稳阵阵不过不失。两碗野嘅份量都可以嘅。两个都系下午茶餐加钱可以加多一份𩠌，分别叫咗一碟菜同埋一份鸡脚沙律，因为系跟餐每份菜都系加多20几蚊就有，所以对于份量方面冇期待，留意鸡脚沙律真系几辣，味道都唔错，不过鸡脚就真系真心有啲少。