笑笑居樂屋 (已結業)

今日去同朋友庆祝生日，朋友都试过铜锣湾果间话OK，所以就o黎旺角试下。我o地因为坐吸烟区，所以一去到就有位，唔驶等。食物都好ＯＫ，不过就同menu上o既图有几大o既出入，但最紧要都系味道。个照烧鸡薄饼几好味，热热地，又脆又多鸡肉，值得各位叫o黎试下。但D侍应可能系新人，好似咩都唔识咁，同佢讲话个日式烧饼唔要沙律酱，居然最后连烧饼酱都无俾...又唔知点解吸烟区会无人理，举手好耐都无人见到...D野仲有一大半未食完，侍应问都唔问就想拎走。我o地唔够食再点菜，佢听我点完一个就走左去...结果又要嗌番佢番o黎...不过食物真系唔错。四个人食到饱都只系三百几，都算几抵。但就好似比较少菜式拣。